بصمته هو، على موبايله هو
الحساب بيتربط بموبايل الموظف ببصمته. اللي معاه كلمة السر بس ميقدرش يسجل مكانه، والموبايل الواحد مبيتسجلش عليه موظفين. والبصمة بتفضل على موبايله — مبتتبعتش لينا.
لأصحاب العيادات والمحلات والمكاتب
بصمة حضور
من غير جهاز بصمة
الموظف بيسجل حضوره من موبايله في ثواني: يبصم، الموبايل يتأكد إنه في المكان، ويعمل سكان للكود المعلّق عندك. وإنت بتشوف مين حضر ومين اتأخر لحظة بلحظة، والتذكير بيوصله على واتساب قبل الخصم، وآخر الشهر الخصومات والإجازات والأوفر تايم محسوبين لوحدهم.
- من غير جهاز ولا تركيبات
- من التطبيق أو من المتصفح
- تبدأ في ١٠ دقايق
جهاز البصمة مشكلته مش في تمنه
تشتريه وتركّبه، يعطل أو النور يقطع، وكل آخر شهر تسحب منه السجل وتقعد تحسب مين اتأخر كام دقيقة. ولو عندك فرعين يبقى جهازين وسجلين.
جهاز البصمة
- تشتري وتركّب وتصلّح
- تسحب السجل وتحسب بإيدك
- متعرفش مين اتأخر غير آخر الشهر
- كل فرع جهاز وسجل لوحده
أنا هنا
- ورقة مطبوعة على الحيطة
- التقرير والخصومات جاهزين
- بتشوف الحضور وإنت في أي مكان
- كل الفروع في حساب واحد
إزاي بيشتغل
إنت — مرة واحدة
- سجّل مكانكاسم المكان وحساب ليك. دقيقة واحدة.
- حدد الموقع واطبع الكوددوسة واحدة وإنت واقف في المكان، واطبع كود الـ QR وعلّقه.
- ضيف الموظفين ومواعيدهمكل موظف بمواعيده: شيفت أو شيفتين، وأيام راحته.
الموظف — كل يوم
- يبصم على موبايلهبصمة صباع أو Face ID. نفس اللي بيفتح بيها موبايله.
- الموبايل يأكد إنه في المكانبالـ GPS، في النطاق اللي إنت محدده.
- سكان للكود المعلّقواتسجل حضوره بالثانية، واتحسب تأخيره لو متأخر.
"وإيه اللي يضمن إن الموظف مش بيسجل من البيت؟"
أول سؤال بيتسأل. عشان كده التسجيل محتاج تلات حاجات مع بعض، مش واحدة.
لازم يكون في المكان
الموبايل بيبعت موقعه لحظة التسجيل، ولو برا النطاق التسجيل بيترفض. وإنت بتشوف كل حضور اتسجل من على بعد كام متر. مفيش تتبع — الموقع بيتاخد لحظة التسجيل بس.
والكود قدامه
كود مطبوع معلّق عندك، وتقدر تغيره بدوسة لو شكيت إنه اتصور. ولو عايز أقوى: كود على شاشة بيتغير كل ٣٠ ثانية، فصورته متنفعش.
مفيش نظام حضور مستحيل يتغش — ولا جهاز البصمة. بس هنا الغش محتاج مجهود وقصد، وأي حاجة غريبة بتبانلك.
كل اللي بعد الحضور، جاهز
حالة اليوم لحظياً
مين حضر، مين اتأخر وبكام، ومين لسه مجاش — من موبايلك وإنت في أي مكان.
تقرير شهري لكل موظف
أيام الحضور، مرات التأخير وإجمالي دقايقه، والغياب، يوم بيوم. جاهز للطباعة.
خصومات المرتبات بقواعدك
شرايح أو بالدقيقة أو مبلغ ثابت، والغياب بيوم أو اتنين. الكشف بيتحسب لوحده وبيتصدّر Excel، وتقفل الشهر لما تصرف.
فروع ومديرين
كل فرع بموقعه وكوده وموظفينه، ومدير الفرع بيشوف فرعه بس. وإنت شايف الكل.
مواعيد مرنة
كل موظف بمواعيده، شيفت أو اتنين في اليوم، أيام راحة، تبديل يوم، وإجازات رسمية.
الموظف شايف خصمه
كل موظف بيشوف تأخيره وخصمه أول بأول في صفحته، ومواعيد الأسبوع الجاي. اللي شايف الفلوس قدامه بييجي في ميعاده.
تذكير على واتساب قبل الخصم
"فاضل ١٠ دقايق قبل ما الخصم يبدأ، بصمتك دلوقتي." وبعد السكان تأكيد بالتأخير والخصم. وإنت بيوصلك ملخص كل شيفت، وأي حاجة محتاجة قرارك لحظتها.
رصيد إجازات وطلبات
عارضة واعتيادي لكل موظف. بيطلب من موبايله وإنت توافق بدوسة، والغياب من غير طلب بيتخصم من رصيده لوحده. وأيام مهمة ممنوع الغياب فيها.
انصراف وأوفر تايم
سكان تاني وهو ماشي: اللي مشي بدري بيبانلك، واللي قعد زيادة إنت اللي تعتمده أوفر تايم، بسعر الساعة اللي تحدده. ساعات الشغل الفعلية في التقرير.
السعر
للفرع الواحد، بعدد موظفين مفتوح. وبتجرب 20 يوم ببلاش الأول.
شهري
250 ج.م/شهر
- كل المميزات
- عدد موظفين مفتوح
- إلغاء في أي وقت
سنوي
2,500 ج.م/سنة
- كل المميزات
- عدد موظفين مفتوح
- شهرين ببلاش
الدفع بفيزا/ماستركارد أو فوري أو محفظة موبايل أو Apple Pay.
أسئلة بتتسأل
الموظف محتاج ينزّل تطبيق؟
لأ. بيفتح الموقع من متصفح موبايله (Safari أو Chrome) ويسجل دخول مرة واحدة. مفيش حاجة تتنزل.
لو موبايل الموظف مفيهوش بصمة؟
بيشتغل برمز قفل الشاشة بدل البصمة. المهم يكون على الموبايل قفل شاشة. ولو موبايله قديم جداً، تقدر تستثنيه هو بس بطريقة ربط أبسط.
لو الموظف غيّر موبايله؟
بتدوس "إعادة تعيين" من صفحته، وأول موبايل يدخل منه بيتربط بحسابه من جديد.
بصمات الموظفين بتتخزن عندكم؟
لأ. البصمة مبتخرجش من موبايل الموظف خالص. الموبايل هو اللي بيتأكد منها وبيبعتلنا تأكيد مشفّر بس.
بتتبعوا موقع الموظف طول اليوم؟
لأ. الموقع بيتاخد مرة واحدة لحظة تسجيل الحضور، عشان نتأكد إنه في المكان. مفيش تتبع قبلها ولا بعدها.
لو موظف وصل ونسي يسجل، أو موبايله فاصل؟
بتسجله إنت يدوي من حالة اليوم وتكتب السبب، والتعديل بيتسجل باسم اللي عمله.
الموظف بيتفكر لو اتأخر؟
لو فعّلت واتساب، بتوصله رسالة قبل أول خصم بالمدة اللي تحددها، ومبتوصلوش لو بصم خلاص. الرسايل بتتبعت من رقم واتساب مكانك، وبتفعّلها لكل فرع لوحده.
محتاج نت؟
أيوه، الموظف محتاج نت على موبايله لحظة التسجيل (باقة الموبايل كفاية). وإنت محتاج نت عشان تفتح لوحتك.
جرّبه في مكانك الأسبوع ده
سجّل، اطبع الكود، وضيف أول موظف. لو معجبكش، شيل الورقة من على الحيطة.
جرّبه 20 يوم ببلاش